जिल्ला समन्वय समितिको कार्यालय
ललितपुर, नेपाल
२०८१ मंसिर ६ गते बिहीबार
ललितपुर, नेपाल
संघीय
लोकतान्त्रिक गणतन्त्र नेपालको ७ वटा प्रदेश मध्यको एक वागमती प्रदेश अन्तर्गतका १३
वटा जिल्ला मध्यको ललितपुर जिल्ला काठमाडौं
उपत्यकाका तीन जिल्लाहरुमध्ये दक्षिणी भेगमा अवस्थित रहेको छ । हिन्दु तथा बौद्धहरुको
पवित्र एवं प्रसिद्ध कृष्ण मन्दिर, अशोक स्तूप, महाबौद्ध, पाटन दरबार स्क्वायर, बंगलामुखी
मन्दिर, विशंखुनारायण, कालेश्वर महादेवस्थान, बज्रबाराही, मछिन्द्रनाथ लगायत विभिन्न
मठमन्दिर, पाटी-पौवा,
स्तम्भहरु एवं सदर चिडियाखाना (जावलाखेल) तथा वनस्पति उद्यान (गोदावरी) रहनुले यस जिल्लाको
प्रतिष्ठा नेपालको साथै विश्वमा समेत विस्तारित हुन पुगेको छ । ऐतिहासिक र पुरातात्विक
सम्पदाले भरिपूर्ण पाटन दरबार स्क्वायरलाई युनेस्कोले विश्व सम्पदा सूचीमा समावेश गरेको
छ ।